शिवसेना उमेदवारांकरीता रविवारी अमोल कोल्हेंच्या सभा

सुजित शिंदे
नवी मुंबई : रंगभूमीवर शिवाजी महाराजांची भूमिका हूबेहूब साकारणारे चित्रपट अभिनेते रविवारी ५ ऑक्टोबर रोजी शिवसेनेचे बेलापुर मतदारसंघातील उमेदवार विजय नाहटा यांच्या प्रचारासाठी येत असून दोन सभांमध्ये ते भाषणही करणार आहेत.
सिवूड्स सेक्टर ४८ मधील गणेश मैदानात सांयकाळी साडेसात वाजता आणि जुईनगर सेक्टर २४ मधील गांवदेवी चौकात रात्री साडेआठ वाजता ते प्रचारसभा घेणार आहेत. अमोल कोल्हे यांचे मराठी भाषिकांना कमालीचे आकर्षण असून ते मुळचे पुणे जिल्ह्यातील जुन्नर तालुक्यामधील नारायणगावचे रहीवाशी आहेत. अमोल कोल्हे यांच्या प्रचारातील सहभागाने पुणे जिल्हावासीयांचा उत्साह वाढीस लागण्यास मदत होणार असल्याचे शिवसैनिकांकडून सांगण्यात येत आहे.