नवी मुंबई : शिवसेनेचे पक्षप्रमुख उध्दव ठाकरे यांच्या वाढदिवसानिमित्त नवी मुंबई शिवसेनेच्यावतीने वाशीतील विष्णूदास भावे नाटयगृहात शनिवार, दि. २६ जुलै रोजी विजय संकल्प शिबीराचे आयोजन सकाळी ९ ते रात्री ८ यावेळेत करण्यात आले आहे.
या शिबीराच्या उद्घाटनप्रसंगी शिवसेना नेते आ. सुभाष देसाई, शिवसेना नेते खा. संजय राऊत, खा. अनिल देसाई, ठाणे जिल्हासंपर्कप्रमुख आ. एकनाथ शिंदे, उपनेते विजय नाहटा, खा. राजन विचारे व खा.डॉ. श्रीकांत शिंदे आदी मान्यवर उपस्थित राहणार आहेत. या शिबीरात आ. सुभाष देसाई, शिवसेना उपनेते आ. गुलाबराव पाटील, शिवसेना उपनेते डॉ. अमोल कोल्हे तसेच शिवचरित्र व्याख्याते प्रा. नितीन बानुगडे पाटील, अभिनेते शरद पोंक्षे यांचे मार्गदर्शन लाभणार आहे. यानिमित्त सायंकाळी ५ ते ८ यावेळेत खास शिवसैनिकांसाठी डॉ. अमोल कोल्हे यांचा नाटयअविष्कार कार्यक्रम ठेवण्यात आला आहे. या शिबिराला नवी मुंबईतील शिवसेना नगरसेवकांना, पदाधिकार्‍यांना, महिला पदाधिकार्‍यांना, गटप्रमुख, शाखाप्रमुख, शिवसैनिकांना विधानसभा निवडणूकीच्या पार्श्‍वभूमी अनमोल मार्गदर्शन प्राप्त होणार असल्याची माहिती शिवसेनेचे नवी मुंबई शहरप्रमुख विजय माने यांनी दिली.
शिवसेनेचा शनिवारी वाशीत विजय संकल्प शिबिर
