नेरूळमध्ये श्री राम जन्मोत्सव सोहळा

मनोज मेहेर – ९८९२४८६०७८
नवी मुंबई : रामनवमी निमित्त नेरूळ पश्‍चिमेला सेक्टर १२ परिसरात श्री राम जन्मोत्सवाचे आयोजन करण्यात आले असून गेल्या काही दिवसापासून या जन्मोत्सवाची जय्यत तयारी सुरू आहे.
सारसोळे बसडेपो लगत असलेल्या नेरूळ सेक्टर १२ परिसरातील श्री. गणेश शिव मंदीरात या श्री राम जन्मोत्सवाचे आयोजन करण्यात आले असून ८ एप्रिल रोजी सकाळी १० वाजता ह.भ.प भगवतीताई सातारकर (दांडेकर) यांचे श्री राम जन्म सोहळ्याचे किर्तन होणार आहे. दुपारी १२ वाजता श्री रामजन्म सोहळा व त्यानंतर महाप्रसादाचे वाटप होणार आहे.
श्री. गजानन देवस्थान कार्यकारी मंडळ (ट्रस्ट) सारसोळे , गजानन सांप्रदायिक हरिपाठ मंडळ, सारसोळे ग्रामस्थ मंडळ, सेक्टर सहा, नेरूळ यांनी या श्री राम जन्मोत्सव सोहळ्याचे आयोजन केले असून नेरूळ परिसरातील भाविकांनी मोठ्या संख्येने या कार्यक्रमात सहभागी व्हावे असे आवाहन कैलास पाटील यांनी केले आहे.