नवी मुंबई : नेरूळ सेक्टर दोनमधील एलआयजी वसाहतीमधील आम्रपाली सोसायटीमध्ये कॉंग्रेसचे नवी मुंबई जिल्हा प्रवक्ते व कामगार नेते रविंद्र सावंत यांच्या नेतृत्वाखाली व कॉंग्रेसच्या जिल्हा सचिव श्रीमती विद्याताई भांडेकर यांच्या पुढाकाराने सुशोभीकरण करण्यात आले.
एलआयजी वसाहतीमधील आम्रपाली सोसायटीमध्ये असलेल्या आवारातील परिसरात मोकळ्या जागेवर पेव्हर ब्लॉक श्रीमती विद्याताई भांडेकर यांनी स्वखर्चांने कॉंग्रेस बसविले. पेव्हर ब्लॉक बसविण्यात आल्याने सोसायटी आवारातील बकालपणा नाहीसा होऊन त्या परिसराचे सुशोभीकरण वाढीस लागले. या सुशोभीकरणाचे उद्घाटन कॉंग्रेस प्रवक्ते व कामगार नेते रविंद्र सावंत यांच्या हस्ते व जिल्हा सचिव श्रीमती विद्याताई भांडेकर यांच्या प्रमुख उपस्थितीमध्ये तसेच यावेळी उपस्थित सोसायटीमधील विमल कांबळे, नारायण शिंदे, मयूर शिवतरे यांच्या हस्ते करण्यात आले. या कार्यक्रमास सौ. सीमा वाघ, सौ. अश्विनी पंडित, शबिरा मुलानी आणि सर्व रहिवाशी उपस्थित होते. यावेळी मनोगत व्यक्त करताना रविंद्र सावंत यांनी एलआयजी परिसराचा व आपला एक जुना संबंध असून आपल्या समस्या सोडविण्यासाठी व आपणास नागरी सुविधा उपलब्ध करुन देण्यासाठी आम्ही सदैव तत्पर असल्याचे सांगितले. यावेळी श्रीमती विद्याताई भांडेकर यांनी येथील रहीवाशांना आपण असेपर्यंत नागरी समस्यांचा कधीही सामना करावा लागणार नसल्याची ग्वाही दिली. यावेळी सोसायटीतील रहीवाशांनी कामगार नेते रविंद्र सावंत व श्रीमती विद्याताई भांडेकर यांचे आभार मानले.