स्वयंम न्यूज ब्युरो : Navimumbailive.com@gmail.com : ८३६९९२४६४६
नवी मुंबई : मुंबई, ठाणेसह महामुंबईत दहिहंडी उत्सव जल्लोषात साजरा होत असताना गोविंदा पथकांना व गोविंदाप्रेमींना सानपाड्यातील भव्य साईहंडी उत्सवाचे आकर्षण ठरलेले असते. लाखोंच्या बक्षिसांची उधळण, गोविंदा प्रेमींची उपस्थिती, आर्केस्ट्राचा जल्लोष आणि या दहीहंडी उत्सवाला बेलापुरच्या भाजपा आमदार सौ. मंदाताई म्हात्रे यांच्या मार्गदर्शनाखाली जल्लोषात साजऱ्या होणाऱ्या या दहीहंडी उत्सवाला मुंबई, नवी मुंबई, ठाणे, पनवेल-उरणसह कल्याण डोबिंवलीतील गोविंदा पथकांची उपस्थिती लाभलेली असते.
सानपाडा सेक्टर ८ मधील सानपाडा पोलीस स्टेशनच्या बाजूला असलेल्या हुतात्मा बाबु गेनु मैदानात या भव्य साईहंडी उत्सवाचे दरवर्षीप्रमाणे यंदाही आयोजन करण्यात आले आहे. सण दहीहंडीचा, उत्सव सानपाड्याचा, थरार गोविंदाचा, उत्साह साईहंडीचा याने प्रेरित होऊन बेलापुरच्या भाजपा आमदार सौ. मंदाताई म्हात्रे यांच्या मार्गदर्शनाखाली समाजसेवक व अखिल भारतीय माथाडी संघटनेचे नवी मुंबई जिल्हाध्यक्ष पांडुरंग आमले व भाजपाचे बेलापुर विधानसभा संयोजक निलेश म्हात्रे यांच्या संयुक्त विद्यमाने या भव्य साईहंडी उत्सवाचे आयोजन करण्यात आले आहे. सानपाड्यातील भाजपाचे सर्व पदाधिकारी, साईभक्त सेवा मंडळ, साईभक्त युवा, साईभक्त सेवा मंडळ, साईभक्त महिला फांऊडेशन, साईज्योत मित्र मंडळ, सानपाडा गार्डन कट्टा परिवार, सानपाडा सनराईजेस, सानपाडा महाराजा सार्वजनिक गणेशोत्सव मंडळ यांच्या सहकार्यातून हा साईहंडी उत्सव साजरा करण्यात येत आहे. या कार्यक्रमास आमदार मंदाताई म्हात्रे, निलेश म्हात्रे यांच्यासह भाजपाचे कार्यकर्ते व पदाधिकारी मोठ्या संख्येने या उत्सवात सहभागी होणार आहे. नवी मुंबईतील दहीहंडीप्रेमींनी मोठ्या संख्येने या उत्सवात सहभागी व्हावे असे आवाहन पांडुरंग आमले यांनी केले आहे.
