श्रीकांत पिंगळे
नवी मुंबई : श्रीगोवर्धनी सार्वजनिक सेवा संस्थेच्या वतीने वाशीतील विष्णूदास भावे नाट्यगृहात रविवारी, ४ ऑगस्ट रोजी ‘खेळ खेळूया मंगळागौरीचा’ या कार्यक्रमाचे आयोजन करण्यात आले आहे.
सकाळी १० ते दुपारी २ या वेळेत होणाऱ्या या कार्यक्रमात आपली संस्कृतीचे जोपासणा करणे व महिलांच्या कलागुणांना वाव देणे या उद्देशाने विविध महिला मंडळे त्यांच्या कला सादर करणार आहेत. नवी मुंबईतील महिलांनी या कार्यक्रमात सहभागी होऊन या कार्यक्रमाची शोभा वाढवावी असे आवाहन आमदार सौ. मंदाताई म्हात्रे यांनी केले आहे.
