गणेश इंगवले : Navimumbailive.com@gmail.com
नवी मुंबई : नेरूळ सेक्टर १६ परिसरात रविवारी, दि. ३ सप्टेंबर रोजी चोर दहीहंडी उत्सवाचे आयोजन करण्यात आले असून भाजपच्या स्थानिक माजी नगरसेविका सौ. रूपाली किस्मत भगत आणि समाजसेवक गणेश भगत यांनी चोर दहीहंडी उत्सवाचे आयोजन केले आहे.
नेरूळ सेक्टर १६ मधील छत्रपती संभाजीराजे उद्यानाजवळ श्री गणेश मैदानात सांयकाळी ६ ते १० या वेळेत हा चोर दहीहंडी उत्सव रंगणार आहे. या उत्सवात महिला दहीहंडी पथकही सहभागी होणार आहे. नेरूळ सेक्टर १६ मधील यंगस्टार क्रिडा मंडळाचे या उत्सवाचे आयोजन केले आहे. या उत्सवात सहभागी होण्यासाठी नेरूळ नोडमधील रहीवाशांनी मोठ्या संख्येने सहभागी व्हावे असे आवाहन कार्यक्रमाचे आयोजक भाजपच्या स्थानिक माजी नगरसेविका सौ. रूपाली किस्मत भगत आणि समाजसेवक गणेश भगत यांनी संयुक्तपणे केले आहे.
