श्रीकांत पिंगळे : Navimumbailive.com@gmail.com
नवी मुंबई : पुलवामा घटनेत सी.आर.पी.एफने हेलिकॉप्टर्सची केंद्र सरकारकडे मागणी केली. परंतु, गृहमंत्रालयाने हेलिकॉप्टर्स देण्यास नकार दिला. यामुळे जवानांना रस्ते मार्गाने निघावे लागले. त्यात ४० जवानांचा नाहक बळी गेला. भाजपचे ज्येष्ठ नेते तथा जम्मू काश्मिरचे माजी राज्यपाल सत्यपाल मल्लीक यांनी यासंदर्भात केंद्र सरकारवर गंभीर आरोप केले आहेत. एकंदरीत, केंद्र सरकारची या प्रकरणाची निती बघता पुलवामात शहीद झालेल्या जवानांच्या मृत्यूला मोदी सरकारच जबाबदार असल्याचा आरोप नवी मुंबई जिल्हा काँग्रेस प्रवक्ते रवींद्र सावंत यांनी केला आहे. जिल्हा अध्यक्ष अनिल कौशिक यांनी ही यावेळी जोरदार घोषणा देत मोदी हटाव देश बच्चाव, ‘जवाब दो, मोदीजी जवाब दो ,अदानी का आपला क्या रिश्ता’ कॉंग्रेसच्या कार्यकर्त्यांना व पदाधिकाऱ्यांना आगामी काळात करावयाच्या संघर्षाची कल्पना दिली. आगामी काळ आपणासाठी खडतर असून आपणास त्याविरोधात लढा द्यावा लागणार असल्याचे सांगत जिल्हा अध्यक्ष अनिल कौशिक कार्यकर्ते व पदाधिकाऱ्यांना मार्गदर्शन केले.
महाराष्ट्र प्रदेश काँग्रेस कमिटीने राज्यभर ‘जवाब दो मोदी, जवाब दो’ आंदोलन घेण्याचे निर्देश दिले होते. त्यानुसार नवी मुंबई जिल्हा काँग्रेसचे अध्यक्ष अनिल कौशिक यांच्या नेतृत्वात मंगळवार १८ एप्रिलला सायंकाळी ११ वाजता वाशी छत्रपती शिवाजी महाराज चौकात ‘जवाब दो’ आंदोलन करण्यात आले. यावेळी मार्गदर्शन करताना जिल्हाध्यक्ष अनिल कौशिक, कामगार नेते रवींद्र सावंत, तालुका अध्यक्ष सचिन नाईक , डॉ. मनोज उपाध्याय , अल्पंख्याक अध्यक्ष अन्वर हवालदार, माजी नगरसेवक बाबासाहेब गायकवाड, सुनील पारकर, साळवे, धोंडीराम पाटील, राजहंस भांबुरे, विविध वॉर्ड अध्यक्ष, जिल्हा कार्यकारिणी सदस्य कार्यकर्ते बहुसंख्येने उपस्थित होते.
