पनवेल : साई नगर येथून कळंबोलीला कर्नाळा स्पोर्ट्स मार्गे जाण्यासाठी पनवेल महानगरपालिकेच्या अंतर्गत कच्चा रस्ता आहे. सदरचा रस्त्याच्या शेजारी अपटाऊन अवेन्यू ,सुशील ब्लॉसम, दुर्वांकुर, सुशील रुक्मिणी इमारती आहेत. सदर इमारतीत एकंदरीत हजार ते बाराशे लोकवस्ती आहे. सदरचा रस्ता साईनगरवासियांना पनवेलच्या बाहेर जाण्यासाठी सोयीचा असल्याने या रस्त्यावर सतत रहदारी असते.
पावसाळ्यामध्ये सदर रस्त्याचे दुरुस्तीचे काम प्रितम म्हात्रे यांच्या मार्गदर्शनाखाली स्थानिक नगरसेविका सौ. सारिका भगत यांनी रहिवाशांना करून दिले होते. त्यानंतर सदर रस्त्याचे हा डांबरीकरण करावा या रहिवाशांनी केलेल्या मागणीला त्वरित प्रतिसाद देत विरोधी पक्षनेते प्रितम जनार्दन म्हात्रे यांनी संबंधित विभाग अधिकाऱ्यांकडून सदर रस्त्याची पाहणी करून नागरिकांना होणारी गैरसोय लवकरात लवकर दूर करावी अशी सूचना केली होती. प्रितमदादा म्हात्रे यांच्या मार्गदर्शनाखाली पुढे पनवेल महानगरपालिकेमध्ये सारिका भगत यांनी पाठपुरावा केला. पनवेल महानगरपालिकेच्या माध्यमातून सदर रस्त्याचे डांबरीकरणाचे काम सुरू करण्यात आले आहे. त्या ठिकाणी सुरू असलेल्या कामाची स्वतः जातीने उपस्थित राहून प्रितम म्हात्रे यांच्या मार्गदर्शनाखाली स्थानिक नगरसेविका सारिका भगत , नगरसेविका सुरेखा मोहोकर आणि शेकाप पदाधिकाऱ्यांनी पाहणी केली. रस्ता डांबरीकरणाचे काम सुरू केले. त्यामुळे तेथील रहिवासी यांनी विरोधी पक्षनेते प्रितम जनार्दन म्हात्रे यांचे आभार मानले.
