गुणीना मैदानावर ‘हम सब एक है’चे आयोजन उत्साहात

जीवन गव्हाणे :Navimumbailive.com@gmail.com : ९८२००९६५७३

नवी मुंबई :  अमृतमहोत्सवी स्वातंत्र्य दिनाच्या निमित्ताने रविवार, दि. १४ ऑगस्ट रोजी सकाळी सानपाडा सेक्टर १६ येथील गुणीना मैदानात सानपाडा सोनखार मधील नागरिकांच्या उपस्थितीत ‘हम सब एक है’ या एकात्मतेचा संदेश देणाऱ्या कार्यक्रमाचे आयोजन करण्यात आले होते.

ज्यामध्ये शालेय विद्यार्थी, महिला, जेष्ठ नागरिक व विविध खेळांतील खेळाडू आणि व्यावसायिक, रिक्षा चालक बांधव, घरकाम करणाऱ्या मोलकरीण भगिनी यासर्वांनी एकत्रित येऊन अमृतमहोत्सवा निमित्त एकात्मतेचा संदेश मानवी आरास करून व देशभक्तीपर कार्यक्रमाचे आयोजनानातून देण्याचा प्रयत्न केला. तसेच  पामबीच (सोनखार) जेष्ठ नागरिक सेवा समितीच्या वतीने सोनखार विभागात अमृतमहोत्सवी स्वातंत्र्य दिनानिमित्त जनजागृतीपर प्रचार फेरी काढण्यात आली.