अक्षय काळे
नवी मुंबई : शिवसेनेचे विभागप्रमुख, माजी नगरसेवक आणि महापालिकेतील माजी शिवसेना पक्ष प्रतोद रतन नामदेव मांडवे यांचा वाढदिवस रात्री १२च्या ठोक्यालाच कौंटूबिक वातावरणामध्ये उत्साहात साजरा झाला.
७ एप्रिल हा शिवसेना विभागप्रमुख रतन मांडवेंचा जन्मदिवस. त्यांचा मित्र परिवार रात्रीच्या १२च्या ठोक्यापासूनच वाढदिवस उत्साहात साजरा करण्यासाठी पुढाकार घेत असतो. याही वर्षी शिवसेना नगरसेविका व शिवसेना महिला उपशहर संघठक सौ. सुनिता रतन मांडवे, युवा सेनेचे बेलापुर विधानसभा उप अधिकारी निखिल मांडवे, शिवसेना महिला विभाग संघठक सौ. शलाका पांजरी, महापालिका ब प्रभाग समितीचे सदस्य व सारसोळे गावचे विकासपर्व म्हणून नवी मुंबईत ओळखले जाणारे मनोज यशवंत मेहेर, ज्येष्ठ पत्रकार व सामाजिक कार्यकर्ते संदीप खांडगेपाटील, नवी मुंबई लाईव्हचे संपादक सुजित शिंदे, देवा ग्रुपचे समन्वयक गणेश पालवे (पाथर्डीकर), जयश्री बेळे, शरद पाजंरी, अनुभव बेळे यांच्यासह विविध कार्यकर्ते यावेळी उपस्थित होते. यावेळी वाढदिवस आचारसंहितेमुळे कौंटूबिक वातावरणात उत्साहात साजरा करण्यात आला. ७ एप्रिल रोजी सांयकाळी ७ वाजता शिवसेना शाखा ८७ मध्ये मित्र परिवार व शिवसैनिकांसाठी वाढदिवस अभिष्ठचिंतन सोहळा आयोजित करण्यात आला असल्याची माहिती निखिल मांडवे यांनी दिली.
