स्वयंम न्यूज ब्युरो
नवी मुंबई : सोशल मिडिया हा प्रचाराचा व प्रसाराचा तसेच जनसामान्यांमध्ये जवळीक साधण्याचे माध्यम बनले आहे. नवी मुंबईचे शिल्पकार असलेले लोकनेते गणेश नाईक यांचा गेल्या काही दिवसापासून सायकल चालवितानाचा फोटो ‘व्हायरल’ होवू लागला आहे. त्यामुळे नवी मुंबईकरांमध्ये लोकनेते गणेश नाईकांच्या ‘फिटनेस’चीच चर्चा होवू लागली आहे.
लोकनेते व ठाणे जिल्ह्याचे माजी पालकमंत्री गणेश नाईक हे वाशी खाडीपुलावर तर कधी पामबीच मार्गावर तर कधी बेलापुर किल्ले गावठाण चौकात सायकल चालवित असल्याचे व्हिडीओ गेल्या काही दिवसापासून व्हायरल होवू लागले आहे. शरीर स्वास्थ्यासाठी सायकलवरून रपेट या लोकनेते गणेश नाईकांच्या संकल्पनेचे नवी मुंबईकरांकडून स्वागत केले जावू लागले. सत्तरीच्या प्रवाहात असलेले लोकनेते गणेश नाईक आजही शरीर स्वास्थ्यावर भर देत असल्याचे पाहून दिघा ते बेलापुरदरम्यान विखुरलेल्या नवी मुंबईकरांकडून गणेश नाईकांची प्रशंसा केली जात आहे.
