सुजित शिंदे : ९६१९१९७४४४
नवी मुंबई : नेरूळ सेक्टर २० मधील प्रसिध्द बांचोली मैदानावर शनिवार (१२ जानेवारी) व रविवार (१३ जानेवारी) असा दोन दिवस महापौर चषकाच्या कबड्डीचा थरार रंगणार असून राष्ट्रवादी युवक कॉंग्रेसचे बेलापूर विधानसभा अध्यक्ष देवनाथ म्हात्रे यांनी या महापौर चषकाचे आयोजन केले आहे. एकवीरा कला क्रिडा मंडळ व प्रगती मित्र मंडळ यांच्या सहकार्याने ६५ किलो वजनी गटातील भव्य चौरंगी कबड्डी स्पर्धा रंगणार आहे.
प्रथम पारितोषिक १५ हजार रूपये व आकर्षक चषक , दुसरे पारितोषिक ७ हजार रूपये व आकर्षक चषक, ततृीय चषक रोख रक्कम व चषक, चौथे बक्षिस रोख रक्कम व पारितोषिक यासह अन्य बक्षियांची लयलुट होणार आहे.
शनिवारी १२ जानेवारी रोजी दुपारी ३.३० वाजता सुरू होणाऱ्या या स्पर्धेला नवी मुंबईतील कबड्डी प्रेमींनी मोठ्या संख्येने उपस्थित राहावे असे आवाहन कार्यक्रमाचे आयोजक देवनाथ म्हात्रे यांनी केले आहे. लोकनेते व नवी मुंबईचे शिल्पकार गणेश नाईक यांच्या हस्ते या स्पर्धेचे उद्घाटन होणार असून माजी खासदार डॉ. संजीव नाईक, आमदार संदीप नाईक, महापौर जयवंत सुतार, माजी महापौर सागर नाईक यासह राष्ट्रवादीचे अनेक पदाधिकारी या कार्यक्रमाला उपस्थित रराहणार आहेत.
