सुजित शिंदे : ९६१९१९७४४४
नवी मुंबई : नेरूळ सेक्टर सहा परिसरात त्रिमूर्ती मित्र मंडळाच्या वतीने अखंड हरिनाम सप्ताह व जगतगुरु श्री. संत तुकाराम महाराज गाथा पारायणाचे आयोजन करण्यात आले आहे. ३१ डिसेंबर ते २ जानेवारी या कालावधीत नेरूळ सेक्टर सहा येथील सुश्रुषा हॉस्पिटलनजीकच्या तानाजी मालुसरे क्रिंडागणावर हा हरिनाम सप्ताह होणार आहे.
या सप्ताहात सांयकाळी ४ ते ५ प्र्रवचन आणि रात्री ८ ते १० हरिकिर्तन होणार आहे. यामध्ये ह.भ.प नामदेव महाराज मोरे, ह.भ.प सोपान महाराज जेजुरकर यांची प्रवचने तर ह.भ.प केशव महाराज शिवणे, ह.भ.प विठ्ठल महाराज साबळे, ह.भ.प वैभव महाराज राक्षे यांची किर्तने होणार आहेत. काल्याचे किर्तन ह..भ.प देवराम महाराज गायकवाड यांचे असून २ जानेवारीला दुपारी ४ वाजता दिंडी सोहळा आयोजित करण्यात आला आहे. ३ जानेवारी रोजी सकाळी काल्याचे किर्तन संपल्यावर दुपारी १२ नंतर भाविकांसाठी महाप्र्रसादाचे आयोजन करण्यात आले आहे. नवी मुंबईतील भाविकांनी या सप्ताहामध्ये मोठ्या भक्तीभावाने सहभागी व्हावे असे आवाहन कार्यक्रमाचे आयोजक दिलीप किसनराव आमले यांनी केले आहे.
