पनवेल – बुध्दगया प्रतिष्ठान ट्रस्ट पनवेलच्यावतीने यंदाचा ‘भारतरत्न डाॅ.बाबासाहेब आंबेडकर समाज भूषण पुरस्कार’ पनवेल महापालिकेचे सभागृृहनेतेे परेश ठाकूर यांना जाहीर झाला आहे.
समाजातील दलित,दिनदुबळा,मागासवर्गिय बहुुजनसमाजाला न्यायहक्क मिळवून देण्यासाठी, व त्यांच्या उत्कर्षासाठी झटणा-या तसेच त्यांना वेळोवेळी मदत करणा-या व्यक्तिला बुध्दगया प्रतिष्ठानच्यावतीने हा पुरस्कार दिला जातो. परेश ठाकूर यांचे कार्य नेहमी समाजपयायोगी असते, त्या अनुषंगाने ट्रस्टच्या पदाधिका-यांनी सभागृहनेता परेश ठाकूूर यांची पुरस्कारासाठी निवड केली आहे.
शनिवार दि.१४ एप्रिल १८ रोजी साजरा होणा-या भारतरत्न डाॅ.बाबासाहेब आंबेडकर यांच्या १२७ व्या जयंती महोत्सवदिनी हा पुरस्कार नवीन पनवेल येथे होणाऱ्या सोहळ्यात सन्मानपूर्वक प्रदान करण्यात येणार आहे, असे बुध्दगया प्रतिष्ठानच्यावतीने कळविण्यात आले आहे.
