डीएव्ही शाळेच्या क्रिडांगणावर हायमस्ट लावण्याची शिवसेनेची मागणी

स्वयंम न्युज ब्युरो :- ८३६९९२४६४६
नवी मुंबई :- सिवूड्स सेक्टर ४८ येथील डीएव्ही शाळेच्या क्रिडांगणावर हायमस्ट बसविण्याची मागणी शिवसेना शाखा क्रं १०८चे शाखाप्रमुख विशाल (विकी) विचारे यांनी महापालिका शहर अभियंता मोहन डगांवकर यांच्याकडे एका लेखी निवेदनातून ७ एप्रिल रोजी केली आहे.
डीएव्ही शाळेच्या क्रिडांगणावर प्रकाशाची व्यवस्था नसल्याने स्थानिक नागरिकांची गैरसोय होत असल्याचा संताप व्यक्त करत शाखाप्रमुख विशाल विचारे निवेदनात पुढे म्हणाले की, या क्रिडांगणावर अंधार असल्याने सांयकाळनंतर ज्येष्ठ नागरिक, विद्यार्थी यांना फेरफटका मारणे शक्य होत नाही. सध्या शाळेला सुट्टी लागल्याने परिसरातील मुलांचा अधिकाधिक वेळ क्रिडांगणावर खेळण्यासाठी जातो. त्यामुळे उजेडाअभावी स्थानिकांची होत असलेली गैरसोय लक्षात घेता पालिकेने लवकरात लवकर या ठिकाणी तीन हायमस्ट बसविण्याची मागणी शाखाप्रमुख विशाल विचारे यांनी केली आहे.