जुईनगरमध्ये शनिवारी नागरी कामाचा शुभारंभ

सुजित शिंदे : ९६१९१९७४४४
नवी मुंबई :- जुईनगर सेक्टर २२ येथे कॉंग्रेस पक्षाच्या वतीने प्रभाग ७८ मध्ये नागरी कामांचा शुभारंभ आणि हळदी कुंकू समारंभाचे १७ फेब्रुवारी रोजीू आयोजन करण्यात आले आहे.
कॉंग्रेस पक्षाच्या प्रभाग ७८ च्या स्थानिक नगरसेविका सौ. रूपालीताई निशांत भगत यांनी या कार्यक्रमाचे आयोजन केले असून सांयकाळी ५ ते ७ या वेळेत रेल्वे कॉलनी गेटसमोर नगरसेविका जनसंपर्क कार्यालयासमोर हा कार्यक्रम होणार आहे. जुईनगर सेक्टर २२ येथील रेल्वे कॉलनीसमोरील गटर व पदपथाची क्रॉस डक्टसहीत सुधारणा करणे या कामाचा त्यात समावेश आहे. यावेळी दंत चिकीत्सा शिबिराचे आणि हळदीकुंकू समारंभाचे तसेच स्नेहसंमेलनाचे आयोजन करण्यात आलेे आहे.
या कार्यक्रमात स्थानिक रहीवाशांनी मोठ्या संख्येने उपस्थित राहावे असे आवाहन कार्यक्रमाच्या निमंत्रक नगरसेविका सौ. रूपालीताई निशांत भगत यांनी केले आहे.