सुजित शिंदे : 9619197444
नवी मुंबई महानगरपालिकेच्या सेवेतून जून महिना अखेरीस सेवानिवृत्त होणा-या अधिकारी-कर्मचारी यांस महापालिका सर्वसाधारण सभेत सन्मानित करण्यात आले. दिनांक 30 जून रोजी सेवानिवृत्त होणा-या नवी मुंबई महानगरपालिकेचे वैद्यकीय आरोग्य अधिकारी डॉ. रमेश निकम, कार्यकारी अभियंता श्री. जसवंत मिस्त्री, मुख्याध्यापिका श्रीम. भारती तावडे व सहशिक्षिका श्रीम. कुंदा भालेराव यांना महापौर श्री. सुधाकर सोनवणे, उप महापौर श्री. अविनाश लाड, सभागृह नेते श्री. जयवंत सुतार, अतिरिक्त आयुक्त श्री. रमेश चव्हाण आणि इतर मान्यवरांच्या उपस्थितीत सर्वसाधारण सभेमध्ये यथोचित सन्मान करून निरोप देण्यात आला. महापालिका आयुक्त डॉ. रामास्वामी एन. यांनीही सेवानिवृत्त अधिका-यांना पुष्पगुच्छ देऊन सन्मानित केले.
