डॉ श्री नानासाहेब प्रतिष्ठानाचे देशभरात विक्रमी स्वच्छता अभियान

साईनाथ भोईर

नवी मुंबई :  महाराष्ट्र भूषण डॉ श्री नानासाहेब धर्माधिकारी यांच्या स्मृतिदिनाचे औचित्य साधत बुधवारी 1 मार्च ला  धर्माधिकारी प्रतिष्ठान रेवदंडा यांच्या वतीने संपूर्ण भारतभर स्वच्छता मोहिमेचे आयोजन करण्यात आले होते. पद्मश्री डॉ श्री अप्पासाहेब धर्माधिकारी व् श्री सचिन दादा धर्माधिकारी यांच्या मार्गदर्शनाखाली या अभियानाचे आयोजन करण्यात आले होते. देशभरातील तीन हजार दोनशे सत्तर ठिकाणी ही स्वच्छता मोहिम राबविण्यात आली होती. यामध्ये देशभरातील 141594 श्री सदस्य सहभागी झाले होते, त्यांच्यावतीने 4283 किलो मीटर चा परिसर स्वछ करण्यात आला.  देशभरातील  546 गावे, 180 शहरे, 53 जिल्हा व 115 रेल्वे स्थानक परिसरात ही मोहीम राबविण्यात आली होती. या मोहिमेत 27973 टन कचरा जमा करण्यात आला आहे. स्वच्छतेविषयी समाजात जनजागृती व्हावी यासाठी या अभियानाचे आयोजन करण्यात आले असून हे अभियान विक्रमी स्वच्छता अभियान असल्याचे प्रतिष्ठानाच्या वतीने सांगण्यात आले आहे.