कोपरखैरणे : महापालिका आयुक्त तुकाराम मुंढे यांच्या नागरिकांशी थेट सुसंवादात्मक”वॉक विथ कमिशनर” उपक्रमाला सर्वच ठिकाणी चांगला प्रतिसाद लाभत असून या शनिवारी 7 जानेवारी 2017 रोजी महापालिका आयुक्त सकाळी 6.30 वा. प्लॉट नं. 34, शुभम् अटलांटिस जवळ, सेक्टर 11, कोपरखैरणे येथे महापालिका अधिका-यांसह उपस्थित राहून नागरिकांशी सुसंवाद साधणार आहेत.
यावेळी जे नागरिक आपल्या तक्रारी / सूचना / संकल्पना महापालिका आयुक्तयांच्याकडे सादर करु इच्छितात त्यांनी त्या लेखी स्वरूपात सोबत घेऊन याव्यात व त्याठिकाणी सकाळी 6.00 वा. पासून उपस्थित असणा-या महापालिका विभाग कार्यालय प्रतिनिधीकडून आपला टोकन क्रमांक प्राप्त करून घ्यावा आणि टोकन क्रमांकानुसार महापालिका आयुक्त यांची भेट घेऊन आपले निवेदन सादर करावे असे आवाहन करण्यात येत आहे.
