जुईनगर ते श्री क्षेत्र एकवीरा कार्ला पदयात्रा

नवी मुंबई / संजय बोरकर
जुईनगर ते श्री क्षेत्र एकवीरा कार्ला पदयात्रा ८ जानेवारी ते ११ जानेवारी २०१६ दरम्यान काढण्यात येणार असून जुईनगरमधील गावदेवी युवा मित्र मंडळाच्या वतीने या पदयात्रेचे आयोजन करण्यात आले आहे. यंदा पदयात्रेचे पाचवे वर्ष आहे.
८ जानेवारी रोजी सकाळी ८ वाजता आरती करून पदयात्रेस सुरूवात होणार आहे. या पदयात्रेमध्ये नवी मुंबई, ठाणे, पनवेल, उरण तसेच मुंबईतील भाविक मोठ्या संख्येने सहभागी होत असतात. १७ जानेवारी रोजी सांयकाळी ७ वाजता सत्यनारायणाची महापूजा व एकविरा आई भंडारा आयोजित करण्यात आला असून या भंडार्‍यात सहभागी होवून भाविकांनी महाप्रसादाचा लाभ घ्यावा असे आवाहन गांवदेवी युवा मित्र मंडळाचे अध्यक्ष शैलेश भोईर यांनी केले आहे.
या पदयात्रेसाठी व भंडार्‍यासाठी गांवदेवी युवा मित्र मंडळाचे उपाध्यक्ष हेमंत पाटील, पालखीप्रमुख प्रीतम भोईर, खजिनदार प्रणय ठाकूर, सल्लागार – रवींद्र पाटील, उपसचिव तुषार म्हात्रे आदी परिश्रम करत आहेत.