24 डिसेंबरला से.17, वाशीमध्ये वॉक विथ कमिशनर

जयश्री पाटील : 8879484836
नवी मुंबई : नागरिकांशी थेट सुसंवाद साधणार्‍या महापालिका आयुक्त तुकाराम मुंढे यांच्या वॉक विथ कमिशनर उपक्रमाला सर्वच ठिकाणी उत्तम प्रतिसाद मिळत असून शनिवार, 24 डिसेंबर 2016 रोजी, सकाळी 6.30 वा. माँसाहेब मीनाताई ठाकरे उद्यान, सेक्टर 17, वाशी येथे महापालिका आयुक्त अधिका-यांसह नागरिकांशी संवाद साधणार आहेत.
यावेळी जे नागरिक आपल्या तक्रारी / सूचना / संकल्पना महापालिका आयुक्त आयुक्त यांच्याकडे सादर करु इच्छितात त्यांनी त्या लेखी स्वरूपात सोबत घेऊन याव्यात व उद्यानात सकाळी 6.00 वाजल्यापासून उपस्थित असणार्‍या महापालिका विभाग कार्यालय प्रतिनिधीकडून आपला टोकन क्रमांक प्राप्त करून घ्यावा आणि टोकन क्रमांकानुसार महापालिका आयुक्त यांची भेट घेऊन आपले निवेदन सादर करावे असे आवाहन करण्यात येत आहे.