अनंतकुमार गवई
नवी मुंबई : महानगरपालिका क्रीडा व सांस्कृतिक विभागाच्या वतीने भारतरत्न स्व.राजीव गांधी क्रीडा संकुल, सेक्टर-3,सी.बी.डी. बेलापूर येथील क्रीडा प्रशिक्षण केंद्रामध्ये क्रिकेट खेळाचे प्रशिक्षण वर्ग सुरु करण्यात आलेले आहेत.
सदर क्रीडा प्रशिक्षण केंद्र दि.16 नोव्हेंबर, 2016 ते मे 2017 अखेरपर्यंत सुरु राहील. सदर क्रीडा प्रशिक्षण केंद्राची वेळ सायंकाळी 4.00 ते 6.30 वाजेपर्यंत असेल.
सदर क्रिकेट प्रशिक्षण वर्गात प्रवेशाकरीता भारतरत्न स्व.राजीव गांधी क्रीडा संकुल,सेक्टर-3 सी.बी.डी,बेलापूर नवी मुंबई, येथील कार्यालयात संपर्क साधावा. अधिक माहितीकरीता संपर्क क्रमांक- 022- 27573294. प्रवेशसंख्या मर्यादित राहील याची कृपया नोंद घ्यावी व या क्रिकेट प्रशिक्षण वर्गाचा लाभ घ्यावा असे आवाहन करण्यात येत आहे.
