नवी मुंबई: नागरिकांशी थेट सुसंवाद साधणारा महापालिका आयुक्त तुकाराम मुंढे यांचा “वॉक विथ कमिशनर” हा उपक्रम नागरिकांच्या उत्तम प्रतिसादात संपन्न होत असून या शनिवारी दि. 19 नोव्हेंबर 2016 रोजी केशव बळीराम हेडगेवार उद्यान (मँगो गार्डन), सेक्टर 1ए, सी.बी.डी, बेलापूर येथे सकाळी 6.30 वा. महापालिका आयुक्त संबंधित अधिका-यांसह नागरिकांशी सुसंवाद साधण्याकरीता उपस्थित राहणार आहेत.
यावेळी जे नागरिक आपल्या तक्रारी / सूचना / संकल्पना महापालिका आयुक्तांकडे मांडू इच्छित असतील त्यांनी त्या लेखी स्वरूपात आणाव्यात व सकाळी 6 वा. पासून तेथे उपस्थित असणा-या महापालिका विभाग कार्यालय प्रतिनिधीकडून आपला टोकन क्रमांक प्राप्त करून घ्यावा.
सदर टोकन क्रमांकानुसार महापालिका आयुक्त यांची भेट नागरिकांनी आपले निवेदन त्यांना सादर करावे व त्यांच्याशी थेट संवाद साधावा असे आवाहन नवी मुंबई महानगरपालिकेच्या वतीने करण्यात येत आहे.
