प्रभागाचा विकास सर्वांगीण दृष्टीकोनातून होणे गरजेचे – पूनम मिथुन पाटील

श्रीकांत पिंगळे

दिडशे मीटर लांबीच्या गटार बांधणीच्या कामास प्रारंभ

नवी मुंबई : प्रभागाचा विकास करताना सर्वांगीण विकासाची कास धरणे हेच माझे उद्दिष्ट असून, प्रभागातील प्रत्येक भागात समान निधीचे वाटप विकासाअंतर्गत व्हावे हीच माझी इच्छा आहे. असे मत नगरसेविका पूनम मिथुन पाटील यांनी व्यक्त केले.

बेलापूर गाव प्रभाग क्रं. १०७, बेलापूर सेक्टर २० मधील श्री. समर्थ अपार्टमेंट प्लॉट नं.जी ७६ ते प्रकाश पाटील यांचे घरादरम्यान असणा-या दिडशे मीटर लांबीच्या आर.सी.सी. गटारांची सुधारणा करणेसाठीच्या कामाचा शुभारंभ नगरसेविका पूनम पाटील यांच्या हस्ते करण्यात आला.

याप्रसंगी समाजसेवक नारायण मुकादम, ठाणे जिल्हा इंटक अध्यक्ष मिथुन रमेशपाटील, सुखदेव डावरे, रमेश जैन, नवी मुंबई अल्पसंख्याक विभाग अध्यक्ष इरफान पटेल, भाजपाचे ज्येष्ठ नेते कमलाकर म्हात्रे, राजू म्हात्रे, विजय कांबळे आणि सारिका नरेश टोले, छाया बंदरे, पौर्णिमा कुडाळकर, ज्योती धरणे, सरिता पाटील, मीनाक्षी डावरे इत्यादी मान्यवर उपस्थित होते.