मांडवे दांपत्याचा विवाहाचा वाढदिवस उत्साहात

सिध्देश प्रधान
नवी मुंबई : नवी मुंबई महानगरपालिकेचे माजी नगरसेवक व शिवसेनेचे माजी पक्षप्रतोद रतन नामदेव मांडवे आणि शिवसेना नगरसेविका सौ. सुनिता रतन मांडवे यांच्या विवाहाचा वाढदिवस मंगळवारी (दि. १३ सप्टेंबर) उत्साहात साजरा करण्यात आला.
नेरूळ सेक्टर ८ मधील पंचवटी सोसायटीतील मांडवे यांच्या निवासस्थानी झालेल्या छोटेखानी कार्यक्रमात मांडवे यांना शुभेच्छा देण्यासाठी दै. जनशक्तीचे वृत्तसंपादक संदीप खांडगेपाटील, नवी मुंबई लाईव्ह.कॉमचे संपादक सुजित शिंदे, सारसोळे गावातील कोलवाणी माता मित्र मंडळाचे अध्यक्ष मनोजदादा मेहेर, सामाजिक कार्यकर्ते गोविंद मेहेर, अर्जुन मढवी, मकरंद वैती, युवा सेनेचे पदाधिकारी विशाल गुंजाळ यांच्यासह अन्य उपस्थित होते.
यावेळी केक कापून मांडवे दांम्पत्याने परस्परांना केक भरविला. दिवसभरात अनेकांनी प्रत्यक्ष भेटून तसेच भ्रमणध्वनीवर संपर्क साधून मांडवे दांम्पत्याला विवाहाच्या वाढदिवसानिमित्त शुभेच्छा दिल्या.