ओव्हरहेड वायरला चिकटून प्रवाशाचा मृत्यू, हार्बर रेल्वे विस्कळीत
- मुंबई : हार्बर मार्गावरील जीटीबी रेल्वे स्टेशनजवळ एक व्यक्ती ओव्हरहेड वायरला चिकटल्यानं हार्बरवरील वाहतूक विस्कळीत झाली. ओव्हरहेड वायरला चिकटलेल्या प्रवाशाचा जागीच मृत्यू झाल्याची माहिती समोर येते आहे. प्रवाशाचा मृतदेह वरून खाली काढण्यात आला असून, त्याची ओळख पटविण्याचा प्रयत्न सुरू आहे. दरम्यान यामुळे पनवेलच्या दिशेनं जाणारी वाहतूक खोळंबली आहे. गेल्या अर्ध्या तासापासून वाहतूक विस्कळीत झाली असल्यानं ऑफिसहून घरी जाणा-या प्रवाशांच्या हालाला पारावार उरला नाही. रेल्वे प्रशासनाकडून वाहतूक सुरळीत करण्याचे प्रयत्न सुरू आहेत.
