सुजित शिंदे : ९६१९१९७४४४
नवी मुंबईः नवी मुंबई महापालिका आयुक्त तुकाराम मुंढे यांच्या ‘वॉक विथ कमिशनर’ या उपक्रमाला सर्वच ठिकाणी नागरिकांचा चांगला प्रतिसाद लाभत आहे. सकाळी मॉर्निग वॉक करत महापालिका आयुक्त तुकाराम मुंढे यांच्या समवेत सुसंवाद साधण्याच्या ‘वॉक विथ कमिशनर’ या अभिनव संकल्पनेचे सर्व स्तरांतून स्वागत करण्यात येत आहे.
महापालिका आयुक्त तुकाराम मुंढे ६ ऑगस्ट २०१६ रोजी महापालिका अधिकार्‍यांसह ऐरोली सेक्टर-५ मधील चिंचोली उद्यानात ‘वॉक विथ कमिशनर’ उपक्रमांतर्गत सकाळी ६.३० वाजता उपस्थित राहून नागरिकांशी संवाद साधणार
आहेत. याप्रसंगी महापालिका आयुक्त तुकाराम मुंढे यांच्याकडे ज्या नागरिकांना आपल्या तक्रारी/ सूचना/संकल्पना मांडावयाच्या असतील त्यांनी त्या लेखी स्वरूपात सोबत घेऊन याव्यात आणि चिंचोली उद्यानामध्ये सकाळी ६ वाजल्यापासून उपस्थित असणार्‍या महापालिका विभाग कार्यालय प्रतिनिधीकडून आपला टोकन क्रमांक प्राप्त करून घ्यावा तसेच टोकन क्रमांकानुसार महापालिका
आयुक्त तुकाराम मुंढे यांची भेट घेऊन आपले निवेदन सादर करावे, असे आवाहन महापालिका अतिरिक्त आयुक्त अंकुश चव्हाण यांनी केले आहे.
६ ऑगस्ट रोजी ऐरोली सेक्टर-५ मध्ये ‘वॉक विथ कमिशनर’
