वॉक विथ कमिशनर
नवी मुंबई : वॉक विथ कमिशनर या उपक्रमाव्दारे नागरिकांशी महापालिका आयुक्त श्री. तुकाराम मुंढे थेट सुसंवाद साधत असून या उपक्रमाला नागरिकांचा उत्तम प्रतिसाद लाभत आहे. या शनिवारी 30 जुलै 2016 रोजी स्व. राजीव गांधी क्रीडा संकुल, सेक्टर 3ए,सी.बी.डी. बेलापूर याठिकाणी महापालिका आयुक्त संबंधित अधिका-यांसह सकाळी 6.30 वा. उपस्थित राहून नागरिकांशी सुसंवाद साधणार आहेत.
याप्रसंगी ज्या नागरिकांना महापालिका आयुक्त यांच्याकडे आपल्या तक्रारी / सूचना / संकल्पना मांडावयाच्या असतील त्यांनी त्या लेखी स्वरूपात सोबत घेऊन याव्यात व क्रीडा संकुलामध्ये सकाळी 6.00 वा. पासून उपस्थित असणा-या महापालिका विभाग कार्यालय प्रतिनिधीकडून आपला टोकन क्रमांक प्राप्त करून घ्यावा. त्यानंतर टोकन क्रमांकानुसार महापालिका आयुक्त यांची भेट घेऊन आपले निवेदन सादर करावे असे आवाहन नवी मुंबई महानगरपालिकेच्या वतीने करण्यात येत आहे.
