कोपरखैराणेत राष्ट्रवादीकडून गुणवंतांचा सत्कार सोहळा उत्साहात

सुजित शिंदे : 9619197444
नवी मुंबई : राष्ट्रवादी कॉंग्रेस पार्टी,नवी मुंबई वॉर्ड क्र ३९ (कोपरखैरणे) तसेच श्री प्रतिष्ठान च्या वतीने आयोजित विद्यार्थी गुणगौरव सोहळा आयोजित करण्यात आला होता. या कार्यक्रमास ऐरोलीचे आमदार संदीप नाईक ,कोपरखैरणे तालुका अध्यक्ष केशव जगू म्हात्रे, राष्ट्रवादी कॉंग्रेसच्या महिला जिल्हा अध्यक्षा माधुरी सुतार,नगरसेविका छाया म्हात्रे, नगरसेविका संगीता म्हात्रे ,वॉर्ड अध्यक्ष तसेच अनेक मान्यवर उपस्थित होते.
आमदार संदीप नाईकांनी व सौ माधुरी सुतार यांनी उपस्थित विद्यार्थ्यांना मार्गदर्शन केले व उपस्थितांशी मनोगत व्यक्त केले.
आपल्या विभागातील विद्यार्थ्याना प्रोत्साहित करण्याकरिता या कार्यक्रमाचे आयोजन कोपरखैरणे युवक तालुका अध्यक्ष शिरीष प्रभाकर पाटील व निशा पाटील यांनी केले होते. तसेच कार्यक्रम यशस्वी करण्या करीता विभागातील पदाधिकारी व सर्व कार्यकर्त्यांनी मेहनत घेतली.