प्रभाग ८५ व ८६ मध्ये ‘डॉक्टर्स डे’ उत्साहात

सुजित शिंदे : ९६१९१९७४४४
नवी मुंबई : ‘डॉक्टर्स डे’निमित्ताने राष्ट्रवादी कॉंग्रेस पक्षाच्या वतीने प्रभाग ८५ व ८६ मधील डॉक्टरांचा त्यांच्या दवाखान्यात व हॉस्पिटलमध्ये जावून सत्कार करण्यात आला. राष्ट्रवादी कॉंग्रेस पक्षाच्या प्रभाग ८५ मधील कार्यसम्राट नगरसेविका सौ. सुजाताताई सुरज पाटील यांच्या संकल्पनेतून हा कार्यक्रम राबविण्यात आला.
राजकारणात सुशिक्षित माणसे आल्यावर कल्पक कार्यक्रमाचे आयोजन कसे केले जाते, याच उत्तम उदाहरण नगरसेविका सौ. सुजाताताई सुरज पाटील या आहेत. प्रभाग ८५ व ८६ मधील डॉक्टरांचा त्यांच्या दवाखान्यात व हॉस्पिटलमध्ये जावून सत्कार करण्यात आला. काही ठिकाणी केक कापून डॉक्टरांना शुभेच्छा देण्यात आल्या.
‘डॉक्टर्स डे’ हा खर्‍या अर्थांने धन्वंतरीची पुजा करणार्‍या डॉक्टरांचा दिवस आहे. डॉक्टरांमुळेच आपले आजार दूर होतात, त्याच्याप्रती कृतज्ञता व्यक्त करण्यासाठीच हा कार्यक्रम राबविण्यात आला असल्याची माहिती नगरसेविका सौ. सुजाताताई सुरज पाटील यांनी दिली.
सुजाताताई पाटील यांच्यासमवेत नगरसेविका सौ. जयश्री ठाकूर, राष्ट्रवादी कॉंग्रेसच्या महिला पदाधिकारी सौ. मनिषा लगाडे, संजीवनी कुंभार, ज्योती म्हात्रे यांच्यासह अनेक महिला सहभागी झाल्या होत्या.