डोंबिवली – : डोंबिवलीमध्ये प्रोबेस केमिकल कंपनीमध्ये झालेल्या भीषण स्फोटानंतर कंपनीचे मालक विश्वास वाकटकर कुटंबिलांवरही दुखाचा डोंगर कोसळलाय. या भीषण स्फोटात वाकटकर कुटुंबातील तिघांचा मृत्यू झालाय.
डोंबिवलीतील प्रोबेस इंटरप्रायझेस कंपनीत गुरुवारी सकाळी 11.30 च्या सुमारास भीषण स्फोट झाला. या स्फोटात आतापर्यंत 10 जणांचा मृत्यू झालाय. पण, या स्फोटात कंपनीचे मालक डॉ.विश्वास वाकटकर यांच्या दोन्ही मुलांचा मृत्यू झाल्याचं समोर आलंय. नंदन वाकटकर आणि सुमीत वाकटकर अशी त्यांची नावं आहेत. वाकटकर यांची सून स्नेहल सुनील वाकटकर हिचाही मृतदेह आज सापडला आहे. मालक विश्वास वाकटकर यांच्या घरातल्या तिघांचा या स्फोटात मृत्यू झाला आहे.
