मुंबई : भारतीय राज्यघटनेचे शिल्पकार, महामानव डॉ. बाबासाहेब आंबेडकर यांच्या १२५ व्या जयंतीनिमित्त चेंबूरमध्ये धम्मवंदना व प्रसाद वाटपाचा कार्यक्रम १४ एप्रिल रोजी आयोजित करण्यात आला आहे.
फ्री वेच्या टनेललगतच्या कुकरेजा कंपाऊड या ठिकाणी समांतर विकास प्रतिष्ठानच्या वतीने या कार्यक्रमाचे आयोजन करण्यात आले आहे. सकाळी ९ वाजता धम्मवंदनेने या कार्यक्रमास सुरूवात होणार असल्याची माहिती प्रतिष्ठानचे अध्यक्ष मधुकर शिंदे यांनी दिली. धम्मवंदना झाल्यावर प्रसाद वाटप केले जाणार आहे. या कार्यक्रमाकरता प्रतिष्ठानचे पदाधिकारी विजय शिंदे, सुनील जेवराज, विलास सोनवणे, भूषण गरूड आणि दिलीप शिंदे यांच्यासह स्थानिक परिसरातील रहीवाशी परिश्रम करत आहेत.
चेंबूरमध्ये जयंती उत्सवाचे आयोजन
