सारसोळेच्या मैदानावर रंगणार क्रिकेट स्पर्धा

सुजित शिंदे
नवी मुंबई : नेरूळ सेक्टर १४ येथील सारसोळेकरांच्या श्री गणेश रामलीला मैदानावर क्रिकेट स्पर्धेचे आयोजन करण्यात आले असून ४ मार्च ते ६ मार्च या कालावधीत ही स्पर्धा होणार आहे.
कै. नारायण महादू पाटील माजी नगरसेवक चषक – २०१६ या स्पर्धेमध्ये विजेत्या संघास १ लाख रूपये रोख पारितोषिक व चषक, उपविजेत्या संघास ५० हजार रूपये व चषक याशिवाय मॅन ऑफ द सिरीज, उत्कृष्ठ गोलंदाज, उत्कृष्ठ फलदांज यांनाही चषकाने सन्मानित करण्यात येणार आहे. गांवदेवी क्रिकेट संघ सारसोळे गाव यांनी या स्पर्धेचे आयोजन केले असून क्रिकेटप्रेमींनी मोठ्या संख्येने स्पर्धा पाहण्यासाठी सहभागी व्हावे असे आवाहन आयोजक प्रल्हाद पाटील यांनी केले आहे.