ज्येष्ठ नागरिकांचा वाढदिवस उत्साहात साजरा

सुजित शिंदे : ९६१९१९७४४४
नवी मुंबई : जुईनगरमध्ये ज्येष्ठ नागरिक संस्थेच्यावतीने सोमवारी विभागातील २२ ज्येष्ठ नागरिकांचा वाढदिवस उत्साहात साजरा करण्यात आला. या कार्यक्रमात विभागातील ज्येष्ठ नागरिकांच्या मदतीला धावून येणारे कामगार नेते रविंद्र सावंत यांचाही वाढदिवस ज्येष्ठ नागरिकांकडून साजरा करण्यात आला.
जुईनगर चिंचोली तलाव उद्यानात असलेल्या ज्येष्ठ नागरिकांकरता असलेल्या विरंगुळा केंद्रात सोमवारी सांयकाळी ज्येष्ठ नागरिक संस्थेच्या वतीने या कार्यक्रमाचे आयोजन करण्यात आले होते. या कार्यक्रमात श्रीकांत राणे, गजानन कोळीपाटील, गंगाराम राऊत, मगन दमणे, बाबा शेडगे, महादेव जगताप, मोहनलाल यादव, सुरेशचंद्र वाघमारे, नामदेव दाभाडे, सुभाष गिरप, मुरलीधर गावडे, शांताराम कांबळे, रमेश म्हात्रे, प्रकाश आंबोळकर,सुभाष तायशेटे, सुरेशचंद्र वाघमारे, भास्कर जाधव, शोभा नलावडे, देवी हरपलानी, पद्माबाई आहेर, शिला देसाई, उर्मिला घोलेकर आदी ज्येष्ठ नागरिकांचा सत्कार करण्यात आला. कामगार नेते रविंद्र सावंत यांचाही वाढदिवस याच कार्यक्रमात ज्येष्ठ नागरिकांनी साजरा केला. या कार्यक्रमात ज्येष्ठ नागरिकांची भाषणे झाली. काही ज्येष्ठ महिलांनी रविंद्र सावंत यांच्या कार्याचा आढावा घेत एक गाणे सादर केले.
हा कार्यक्रम यशस्वी करण्यासाठी संस्थेचे अध्यक्ष संभाजी बैले, उपाध्यक्ष सुरेश नाईक, सचिव हरिश्‍चंद्र नेमाणे, खजिनदार रामदास शिंदे, श्रीमती स्नेहल नाईक, अण्णा गायकवाड, भरत कवडे, मधुकर म्हात्रे, अकुंश नलावडे यांनी परिश्रम घेतले.