आता लोकच हसतात, ‘अच्छे दिन’ म्हटल्यावर – राहुल गांधी

सहरानपूर : आपण आज ‘अच्छे दिन‘ येणार असे म्हटले तर पूर्ण हिंदुस्थानातील नागरिक हसतात, अशी खोचक टीका कॉंग्रेस उपाध्यक्ष राहुल गांधी यांनी केली.
उत्तर प्रदेशातील सहरानपूर येथील शेतकर्‍यांशी आज (सोमवार) राहुल गांधी यांनी संवाद साधला. त्यांनी काढलेल्या पदयात्रेत हजारो नागरिक सहभागी झाले होते. त्यांनी परिसरातील शेतकर्‍यांच्या भेटी घेऊन त्यांच्या व्यथा जाणून घेतल्या. यावेळी राहुल गांधी केंद्रातील पंतप्रधान नरेंद्र मोदी यांच्या नेतृत्वाखालील सरकारवर जोरदार टीका केली.
राहुल गांधी म्हणाले, की मोदीजी कधी लंडनला, कधी मलेशियाला, तर कधी अमेरिकेला जातात. पण, मी आज तुमच्यामध्ये येऊन तुमच्या व्यथा जाणून घेत आहे. मोदीजींनी म्हटले होते, हिंदुस्थानला बदलून टाकेल. त्यांनी ‘अच्छे दिन‘चा नारा दिला होता. पण, आता लोक ‘अच्छे दिन‘चे नाव काढल्यानंतर हसतात. कॉंग्रेस पक्ष कायमच गरिब, शेतकरी आणि मजूरांच्या बाजूने उभा राहिलेला आहे.