ठाणे : सर्व ठिकाणी दहीहंडी सण उत्साहात साजरा होत असताना भिंवडीत मात्र एका गोविंदाचा मृत्यू झाल्याने उत्साहाला गालबोट लागले. दहीहंडी बांधत असताना एका गोविंदाचा मृत्यू झाला आहे. गणेश अनंता पाटील (29) असे या गोविंदाचे नाव आहे.
भिवंडीमधील दिघाशी येथे हा अपघात झाला. दहीहंडी बांधत असतांना दोरखंड एका बाजूला झाडाला बांधल्यानंतर दुसर्‍या बाजूला टॉवरला दोरखंड बांधत असतांना तो टॉवर खाली कोसळून थेट गणेशच्या डोक्यात पडला. त्यामुळे गणेशचा जागीच मृत्यू झाला.
गणेश पाटीलचे दोन वर्षापुर्वीच लग्न झाले असून त्याच्या मागे पत्नी आणि सहा महिन्याचे बाळ आहे. या दुर्दैवी अपघातामुळे दिघाशी परिसरात हळहळ व्यक्त होत आहे.
भिंवडीत गोविंदाचा मृत्यू
