Home ई - पेपर्स राधे मॉं ही सेक्स रॅकेट चालवत होती : अर्शी खान

राधे मॉं ही सेक्स रॅकेट चालवत होती : अर्शी खान

मुंबई : स्वयंघोषित अध्यात्मिक राधे मॉं ही सेक्स रॅकेट चालवत होती असा धक्कादायक आणि गंभीर आरोप मॉडेल आणि दाक्षिणात्य अभिनेत्री अर्शी खानने केला आहे. राधे मॉंने मला सेक्स रॅकेटमध्ये ढकलण्याचा प्रयत्न केला, असा आरोप अर्शी खानने केला आहे.
अर्शी हिने मुंबई पोलिसांत शनिवारी तक्रार दाखल केली असून तिला आता फोनवरुन धमकी दिली जात असून तिला अश्लील फोनही येत असल्याचे आर्शीने केलेल्या तक्रारीत म्हटले आहे.
राधे मॉंची सहा- सात महिन्यांपूर्वी भेट झाली होती. त्यावेळी राधे मॉंच्या एका सहकार्‍याने तुला पैसा आणि प्रसिद्ध हवी असल्यास आमच्या सेक्स रॅकेटच्या धंद्यात सहभागी व्हावे लागेल, अशी ऑफर दिल्याचा आरोप अर्शी खानने केला आहे. तसेच राधे मॉंने अन्य मुलींनाही सेक्स रॅकेटमध्ये गुंतवले असल्याचा दावाही अर्शीने केला आहे.
अर्शी खान ही भारतीय मॉडेल आणि अभिनेत्री असून तिने अनेक दाक्षिणात्य चित्रपटात काम केले आहे. तसेच पाकिस्तानचा माजी क्रिकेटर शाहिद आफ्रिदीसोबत अर्शी खानचे अफेअर सुरु असल्याची चर्चा आहे. अर्शी ही मुळची अफगाणिस्तानमधील असली तरी ती अगदी लहान असताना वयाच्या चार वर्षापासून आईवडिलांसह भारतात आली. ते भोपाळ येथे रहातात.
डॉली बिंद्रानंतर आता या मॉडेल- अभिनेत्री अर्शी खानने राधे मॉंवर गंभीर आरोप केल्याने राधे मॉं आणखी गोत्यात सापडली आहे.

SIMILAR ARTICLES

0 658

NO COMMENTS

Leave a Reply